Oliqarxın qayıdışı | Çingiz Abdullayev

Müəmmalı vertolyot qəzasında yanıb kül olduğu iddia edilən oliqarx dayısından üç milyard dollarlıq miras almış adi, kasıb jurnalist Rinat Şaripovun başına bir il ərzində çox qorxunc və məşum hadisələr gəlsə də, pula pul demədi, var-dövlət dənizində çimdi, insanların əksəriyyətinin yalnız arzulaya biləcəyi dəbdəbəli bir oliqarx həyatı yaşadı... Ancaq müftə pendirin harada olduğunu hamı çox yaxşı bilir. Siçan tələsində! Qəfildən xortlayıb peyda olmuş dayısı ondan bütün pullarını geri qaytarmağı tələb edir. Rinat dayısı ilə görüşüb problemi birtəhər həll etməyə çalışsa da, hələ bilmir ki, bu heç də yaxşı fikir deyil. Oliqarx plastik əməliyyat keçirib, adını dəyişdirib, indi onu tanımaq əsla mümkün deyil. Amma Rinat bunu yaxşı başa düşür ki, böyük və qanlı bir müharibənin içindədir və bu müharibədə ya dayısı qələbə qazanacaq, ya da özü... Qələbə həyat, məğlubiyyət isə ölüm deməkdir. Başqa variant yoxdur. Amma uğurlu plastik əməliyyat keçirmiş, adını dəyişdirmiş təhlükəli oliqarxı yalnız bircə nəfər tanıya bilər...