Sehrli abidələr

Hər ölkənin tarixi, onun mədəni irsi bu ərazidə yerləşən abi- dələrin daş yaddaşına həkk olunur. Elə buna görədir ki, bir ölkənin tarixi ilə tanış olmaq istəyən hər kəs həmin ərazidə yerləşən qədim abidələrə üz tutur. Neçə-neçə qanlı döyüşlə- rin şahidi olmuş, hər daşı bir tarix olan qalalar, məqbərələr, saraylar öz əzəməti ilə zamana meydan oxuyur. Bəzi abidələr əsrlərin sınağına tab gətirməsə də, onlar haqqında səyyahların əsərlərindən məlumat alırıq. Abidələr zamanın silinməz və də- yişməz şahidləridir, bəzən tarixi təhrif etmək cəhdləri də məhz bu abidələr sayəsində nəticəsiz qalır.