Şəhərdə davranış qaydaları | Bəhram Bağırzadə

Bakı qədim tarixə və ənənələrə malik olan böyük və çox gözəl paytaxt şəhərdir. Biz isə şəhər sakinləri bizi əhatə edən hər şeyin qayğısına qalmalıyıq və heç fərqi yoxdur, bu, tarixi abidə və ya həyətimizdəki adi skamyadır. Şəhərdə yaşayarkən müəyyən qaydalara əməl etməlisiniz. Bu qaydalar sayəsində şəhər təmiz olur və insanlar bir-birinə hörmətlə yanaşırlar. Bəhram əminin komandası gənc oxucular üçün çox faydalı olan “Şəhərdə necə davranmalı” adlı yeni kitab hazırlayıb. O, qızları və oğlanları şəhərdə yaşamağa, insanlarla asan və rahat ünsiyyət qurmağa kömək edəcək vacib qaydalarla tanış edəcək.